《新香港，會食人的！》: 8
「下一站：市中心。」車長再度開金口。
行人天橋仍然屹立不倒。我和Ryan下車後，走上行人天橋。
「號外呀！天水圍封鎖呀......」報販以六十年代喊號外的方式，想要把手上的《水果日報號外》散走。
「天水圍疑人食人 54死200失蹤」
「港府突封天水圍 曾德成：保障公眾安全」
「嘩！」Ryan叫了出來。
我就如常地抱著質疑的態度。
『疑人食人呀，你以為實係㗎？』
「咁多疑，唔怪得你啦！」
匆匆走過屯門大會堂，經過時代，走入屯門市廣場。
一片漆黑，可沒有甚麼特別。
拿起USB燈，照亮這一片漆黑的地方。
別以為會好像大埔超級城般變危樓，這裏似乎很平靜。
就算在屯門公路上方經過，好像也沒有甚麼異常。
好似係。
離開屯門市廣場，經過重重樓梯，到達華都花園。再經仁愛診所，到達屯門官立中學對面。
「屯門東臨時庇護中心 位於屯門官立中學」一塊指示牌指向屯門官立中學一方。
沿隧道，到達屯門官立中學。
師承官校外強中乾的特色，校舍內裏的外牆粉飾得再完美，也不能掩蓋地震帶來的裂縫。
沿走廊，災民躺在地上。
C Man呢？安置者名單幫到你。
「梁梁梁梁梁......」Ryan正尋找「梁思敏」。
「梁思敏！有啊！」Ryan用兩分鐘找到這個人。
但，死難者名單也有這個人。
『梁思敏，梁思敏，梁思敏。三個，一個生兩個死。』
那個才是CM呢？
這塊放在門口的壁報板，並沒有令我放棄。
我們還未是時候認輸。
「Cindy! 你點解喺度嘅？」是Chris。
『哦，我搵人啫。係呢，有冇見過CM呀？』
「CM? 我尋日好似見到佢......」
他似乎有難言之隱。
『你邊度見到佢？』我問。
「Hall......好似係……」
我二話不說走上一樓。
禮堂，正在派發物資。
有一盒飯盒，一大包餅乾，兩支蒸餾水，還有一袋衣物。
大家井然有序地排隊。
「喂！唔好打尖喎！」一把熟悉的聲音從隊伍中傳出來。
「我刀吾之泥港乜！」一把充滿口音的聲音怒目而視。
「我明明見住你插入嚟，你唔好扮嘢好喎！」這把熟悉的聲音並沒有被野蠻嚇退。
很久沒見了，CM。
但我還未是時候走上前。
「(胡語)總而言之我就是不知道你這是幹啥，我不知道你說甚麼！」
「我話你打尖，『(胡語)插隊』，明唔明呀？」
「我不知道要排隊，我只知道你不包容！」
「我一開始好聲好氣叫你排隊你唔理⋯⋯」
「請你説普通話，我不懂粵語這方言，鄉巴婆！」
「你話我鄉下婆？咁你係咩呀！」
「我是中國人，你！也！是！」
『頂，我依家好有衝動想一巴摑醒條蝗蟲。』
而排在前面的Ryan，在我話音剛落之際忍不住出聲。「你條友唔該守下規距，各處鄉村各處例，就算呢度係鄉下地方你都要排隊！你就算係習近平都係咁話！」
『咪係，更何況呢度係『亞洲國際都會』，點都高級過你鄉下啦！』聽這人的口音，應該是四川人。『你懂不懂你家鄉話呀？不懂啊？唉，連自己地方的語言都不懂，說普通話就以為自己很牛，「懶巴閉，收皮啦！」後面排隊呀，我說普通話了，你懂得了嗎？』
CM留意到我，而且好像知道我是專誠來找她。
至少她的眼神告訴了我這一點。
「我不知道，我只知道你傷害我感情！」蝗蟲仍不知收歛，大概他不知已犯眾怒。
「咪阻住晒啦⋯⋯」眾人已經相當不滿。
「哼！」嘭一聲，大嬸用手中膠袋打向CM。
而地上，出現了大量物資。
原來他至少拿了三、四次物資。
自知眾怒難犯，仍要「跌落地拿番乍沙」，「你們都是二等公民而已，要不是祖國，你們還有物資嗎？狗！狗呀⋯⋯」
拿過物資後，CM主動走過來。
「突登嚟搵我？」CM果然知道。
『係⋯⋯你點呀？啱啱嗰下⋯⋯痛唔痛呀？』
「冇⋯⋯冇嘢呀⋯⋯你最近點呀？」
『我OK呀⋯⋯我依排都冇乜特別嘢⋯⋯你呢？』
「我都冇乜特別嘢⋯⋯嘅⋯⋯」
『你同Chris一齊咗？』
「⋯⋯你⋯⋯點知我同Christine佢⋯⋯」
『啱啱樓下撞到佢，我問起你，佢就好似怪怪地咁，咪估到囉⋯⋯哈哈⋯⋯』
我惟有苦笑。
她也是。
這時Chris到來，向我點點頭。
也許，我是應該離開這裏。
「Cindy！」Ryan呼喚我。「咁我地依家點？」
『天水圍。』
CM望過來。
走過來。
「Cindy⋯⋯你去天水圍做咩呀？」
『我要知道入面到底發生咩事。』
「我都去。」
「痴咗線呀！我唔去㗎！」Chris的用意，再也清晰不過。
明明不知就裏的Ryan，似乎也知道我很煩惱。
「唔⋯⋯帶多個人咪多份危險囉！你都係唔好去啦⋯⋯」
還是，Ryan想⋯⋯
『係呀，C Man你都係留喺度啦，屯門呢度安全啊！』
「咁好啦⋯⋯bye bye⋯⋯」CM的一滴淚，滴在我的手臂上。
我不知道是不是永別，但我不信，
天水圍封鎖是因為人食人。
至於Ryan是否另有企圖，我現在最好別理會。
不過我和Ryan仍然會留在屯門，直至入黑。
畢竟，夜晚應該較易潛入。現在就先補給一下，休息一下吧。
只是，我們應該另覓庇護中心。