寧可信其有，不可信其無: 藍裙女人?

個婆婆究竟去咗邊?明明只係得個兩秒...
出咗市區後，我用咗大概十分鐘返到屋企。。。

「 阿娘，我返黎啦! 」放低鎖匙係鞋櫃就步行入屋啦
「 快啲沖涼訓啦! 七月節太晏訓都唔好! 」娘親係房嗌出黎同我講
「 知道啦! 」好啦...咁我快啲去沖涼再訓覺啦

咦。。。原來已經兩點幾架啦...搞乜搞到咁耐先返到
沖完涼啱啱三點入到房
一路睇IG一路諗 "個婆婆。。。咦! 唔係喎...而家七月節，唔通..." 




諗到妮度即刻心寒...
蓋被蓋過頭訓個覺算啦...愈諗愈恐怖

哇...好急尿! 我相信好多人都會突然急尿急醒咗
我即刻彈起身去廁所痾尿
" 硬係覺得怪怪地咁...有啲咩怪呢? " 一路痾一路諗...
" 我啱啱好似無熄燈...起身個時熄咗燈嘅? "
超... 阿娘黎熄咗燈啫! 諗咁多無謂嘢做乜? 妮個世界邊有鬼....

諗到妮度我就成個安心返哂...洗手返房訓





"呼~~~~" 眼角見到啲嘢飛過

" 唔通係眼屎? " 隨即定咗定....捽一捽眼...

「 說好的幸福呢? 」耳邊傳黎一把女聲...好陰聲細氣咁講
" 唔係啊?真係撞邪? "
「 死仔! 咁早起身做乜? 」遠方傳黎娘親嘅聲音。。。
我俾娘親嚇到成個彈起咗。。。
「 阿娘! 你嚇鬼咩? 你又做乜咁早起啊? 」我反白眼對住娘親嘅背影講




「 我不嬲都咁早起身架啦! 」娘親無好氣咁覆我。。。

「 喂! 幾點啊? 仲咁嘈講嘢! 」娘親係房出黎同我講....
阿娘係房, 咁...
「  吓... 阿娘, 你啱啱唔係出咗黎係廳嘅咩? 」我一面驚嚇咁問娘親
「 發夢啊你? 我而家先俾你嘈醒咗...」
我指住個廳....「咁我啱啱同緊邊個講嘢? 」
娘親一臉無奈咁望住我「 你自己望過去睇下...邊有人啫? 快啲訓啦! 」講完妮句阿娘即刻啪埋房門 , 顯然係起床氣

"無理由架喎...啱先明明係娘親把聲....我仲望到佢著藍色睡裙架

「 哈哈哈哈....」隨即我就聽到把好陰嘅笑聲....

未完....待續~