寧可信其有，不可信其無: 不平凡的開端

我叫林允風，啱啱踏入二十歲，係一個好中2睇鬼故同鬼戲嘅人，細細個好相信有鬼，但一直都遇唔到就慢慢變到唔信。。。啲人成日都話放負嘅人好易撞鬼，我又真係無試過，明明我就係一個好放負嘅人！

"呼呼呼" 風輕輕咁拍打住我塊面。。。真係好正。秋天嘅時候夜晚去海邊感受下海風係全世界最幸福嘅事。
我望住 一望無際嘅海諗緊我究竟應該點先可以成為一個成功嘅人，而家嘅我唔好話要成功，連生活都成問題。

「啊！啊！啊！」我對住個大海不停咁吶喊。。。我真係好大壓力。試問係妮個世界又有邊個無壓力？
終於叫咗成分鐘，把聲都沙哂，終於肯停，轉身準備上車揸返出市區。

就係我準備開車嘅時候，「轟！轟！轟！」咦。。。咩聲黎，我坐咗係架車度左望右望，唔通就黎落雨？快啲開車閃人先，我妮啲技術未係好到家嘅人落雨濕濕好易累人又累己。





於是，我就即刻開車走人。我中2去戈個海係要經過個山先到，所以我出返去都要行返山路走。

"Oh。。。愛你沒差 那一點時差～"  揸車又點會少得播歌呢？

 大概過咗十分鐘後，咦。。。明明平時妮條路無咁耐架。我時速都係行緊60架喎！唔通我發呆發到行錯路都唔知？咁唯有慢慢搵返條路出去啦！

"有人搵你，有人搵你" 嗯。妮個係我電話鈴聲

「喂？你好。。」平時聽電話開場對白都係咁。
「沙沙沙。。。」




「喂？你係邊個啊？」
「喂！你仲唔返屋企？幾點啊？」電話另一邊傳黎我娘親嘅聲。。。咦！點解突然間又出返市區嘅？我唔係發呆發到咁啊？
「阿娘？我而家揸緊車返黎啦！」 
「嗯。係啦！今日仲係七月節你仲去到咁夜先返。。。快啲返啦！」
「知道啦！」係喎。。。今日仲係七月節喎！

出咗市區後先發現原來已經係淩晨一點三十分，望住條街人都唔多個。。。的士都無部
突然間有個婆婆出黎截停我部車。。。我即刻剎制！
「婆婆。。。你咁好危。。。」我伸緊個頭出去同婆婆講。
咦。。。個婆婆呢？





未完，待續。。。