是咁的，照顧過我嘅護士死咗: 三百七十六、歌

佢將畫筒放喺我地之間，拉開手中圓筒狀嘅畫。

「好靚⋯⋯」

一幅我永遠送唔出嘅畫。



而佢拉開幅畫嗰陣，見到背面白紙仲有字，我畫咗個QR code喺上面，可以連去我改詞首歌嘅網站。





十八子用手機掃瞄圖案，就自動彈咗去youtube。 https://youtu.be/mOFAKsnQMmE

前奏徐徐響起，琴音令成個彩虹橋變到好夢幻。

「四月是你的謊言⋯⋯」熟悉日本野嘅十八子，對依首歌並唔陌生。

佢可能係想代我唱出口。

但我輕輕捉住佢隻手，微微搖頭，示意佢唔好唱。





「⋯⋯等我⋯⋯自己唱⋯⋯」

十八子點頭，交畀我唱返依首，向林林表白嘅歌。



鳴謝你當天陪伴 淺淺輕笑著慰問
在看見你一刻 心聲都會快了一拍 
前路也 全化成燦爛的風景畫





如若我身體無恙 想把心意盡獻上
冀盼訴心聲 如今 這歌送你
長夜裡 有我在伴你過

如若再多點勇敢 願意把往昔使勁盡掃
無視了過去最痛印象能和你相擁多美好
可惜當天的痛哭是我身心的一世烙印
難面對 而我還以為今生再也不懂愛

和你相識一刻 這世界已開花
似風景畫 到處佈滿鮮花
明明早已下決心 愛也不表白了
藏好愛意共處 待在藍顏位置

唯始終不甘心 有愛卻說不得




拾起畫筆 向過去潑點墨
輪迴幾個夏與秋 再也不可忍受了
前塵不再顧 無畏盡情奉告

原諒我今天唐突 輕聲哼唱著愛慕
你似夜空中 銀河和星宿
寒夜裡 仍照亮著世界

如若我多點勇敢 願意真的把心聲去盡訴
能傳遞嗎 我到目前為止雙手都很顫抖
看見你即可放心 便是你賜予我的珍貴術法
全是你 而你微笑能將心再拯救

和你相識一刻 這世界已開花
似風景畫 四處永遠斑斕




明明早已下決心 再愛也不表白了
完全把我的話語 鎖於世界別處

遺憾我不甘心 我有愛卻說不得
拾起畫筆 再向過去潑點墨
輪迴幾個夏與秋 再也不可忍受了
前塵不再顧 如能向穎林盡訴




和你相識一刻 這世界已開花
我的心窩 四處佈滿鮮花
遲疑的我下決心 再也不可害怕
求不再會懦怯 將這愛意盡說





而我今天狠心 愛也要說出口
作這一曲 傻一次便滿足
輪迴幾個夏與秋 再也不可忍受了
前塵不再顧 求與穎林盡訴

「前塵別再顧，傻完這一次便夠。」

音樂嘅尾聲，我本來會同林林講，我鍾意你。

但我，已經連再傻一次嘅機會都無。