是咁的，照顧過我嘅護士死咗: 三百六十九、佢無吸毒

阿正嬲爆爆咁擦眼淚，盡力冷靜落嚟。

「我⋯⋯我做野先⋯⋯」

我一個人棟喺病房中心，呆咗，唔識畀反應。

「該燴喇，報紙話佢屋企有冰壼呀，你慌佢唔係吸毒嚟咩？」

眼球扭向旁邊嘅大媽。





「⋯⋯佢無⋯⋯吸毒。」

「報紙話有冰壼吖嘛，唔係吸毒係咩？你唔食飯買筷子做咩？」

左手包住咗唔郁得，但我仲有右手，就算包住咗都係拳頭狀。

「我話，佢無吸毒。」

「你唔信自己睇報紙喇！」





舉起手。

手被捉住，阿正耷低頭，我睇唔到佢嘅表情，我淨係見到佢搖頭嗰陣，滴落地上嘅眼淚。

「魏先生⋯⋯請唔好喺⋯⋯病房打人⋯⋯」

「但係！」

「入得嚟醫院就要守醫院嘅規矩！」我等一次見阿正咁大聲講野。





佢慢慢放低我隻手：「如果佢仲喺度，都一定會喝住你⋯⋯」

阿正放開我，由始至終都無望我一眼，或者係唔想我見到佢喊嘅樣。

「林林講過嘅說話⋯⋯希望你⋯⋯唔好唔記得⋯⋯」