是咁的，照顧過我嘅護士死咗: 三百二十八、一個我鍾意嘅人
嗰日林林叫我估車窗外嘅兩婆孫係咩人，我因為聽唔到佢地溝通嘅語言而下唔到判斷。
但其實，就算林林喺我面前，日日同我講野，我都無辦法判斷佢係咩人。
佢願意學習我地嘅語言，願意為我地嘅社會作出貢獻，我唔知咁樣能唔能夠定義佢就係香港人。
但我知道林林，只係一個人。
一個我鍾意嘅人。
「我唔歧視大陸人同新移民，歧視係做唔到醫護架。好嘅政府係會訂立合理移民門檻，保障市民，但依家係大開中門，對一百五十個單程證不聞不問，然後搞到我地民生大受影響就鬧我地做乜歧視，要多啲包容，係好本末倒置。」
黃醫生好鄭重咁講咗句：「我地唔係歧視佢地，只係事實擺在眼前，香港嘅醫療系統真係頂唔順喇。」
又夠鐘，所有人一齊向政總大樓咆哮：「政府無義氣！護士捱義氣！病人就斷氣！」