是咁的，照顧過我嘅護士死咗: 三百一十九、背負德仔嘅夢想

落咗巴士之後，行去政總都要一小段路。我好奇問起點解佢近排個樣成日都咁攰。

「無法啦，又要嚟靜坐又要讀書。」

「讀書？」

沿住天橋行，無幾耐已經見到政府總部大樓。而添馬公園嗰邊明顯比平日多人，一推密密麻麻嘅人，個個都係著白色袍。

「係呀。我想背負埋德仔嘅夢想繼續行落去。」





林林話，佢一真以嚟只要可以照顧到病人就足夠，唔求升職唔求加人工，所以就算只係登記護士都無問題。

「但係我作為德仔嘅朋友，佢未實現到嘅夢想，就由我嚟幫佢實現。」

於是林林無幾耐之前，開始進修。除咗日常工作外，仲要讀書同參加示威，每日可以休息嘅時間已經得返好少。

好似今日咁，喺政總坐到十二點趕尾班車返去，到屋企仲要溫書，聽朝七點又返工，即係六點幾要起身。

「你咁搞法⋯⋯唔驚身體捱唔住呀？」





「放心啦，我頂得住嘅。」

林林蒼白嘅面容上，勾起嫣然一笑。