是咁的，照顧過我嘅護士死咗: 三百零六、思考慣性

唔怪得十八子啱啱啲說話，聽得出對林林有種本質上嘅指控。

純粹因為佢係咩人，就作出嘅猜測。

其實唔怪得十八子會有懷疑，喺佢心目中嘅大陸人個個都有問題。

正如我所講，一碌尻打一船人係人嘅本性，即使好似佢咁叻嘅人都會有咁嘅思考慣性。

因為佢做孤兒院嘅時候見太多無辜被抛棄嘅大陸孤兒，認為大陸人都係落嚟濫用香港資源嘅一群，加上每日聽嘅都係佢地嘅負面新聞，見得多就久而久之形成偏見。





等同喺上水生活飽受水貨客入侵而影響嘅居民，亦自然會對其他大陸人抱持嫌棄同敵意。極端嘅人甚至連見到嚟旅行嘅大陸人友善咁問路，輕則無視唔答，重則無啦啦冷嘲熱諷，甚至鬧人。

情況同因為新年親戚啲細路嚟你屋企整爛啲模型又曳又嘈，後來你喺街見到陌生細路跌親都不問因由話佢抵死，有細路接近就自然會黑面一樣。

我理解佢地嘅偏見同厭惡係點解形成，但理解唔代表認同。

每個國家嘅人民素質好同差都只係一個比例數字，中國人只係差嘅比例大，唔代表個個都係差。即使係日本，亦只係好嘅比例大，唔代表你行街唔會比不良少年打你一身。

當然每個民族好壞嘅比例係直接形響其他地方國民嘅觀感，而中國玻璃心就係因為唔願意承認自己大部分同胞都係低質，依個又係另一個問題。





但有問題唔肯認向來都係共產黨嘅特色，附合蟈情。