是咁的，照顧過我嘅護士死咗: 三百零五、大陸人
「我唔會怪錯佢架，佢對你咁好一定有警滾。」
左面仍然散發灼痛感，好彩十八子用力得嚟都就住我嚟揑：「點解咁信唔過林林呢？」
佢諗咗諗，好似猶豫緊應唔應該講某啲野。
「柳穎林吖嘛佢個名叫。」
我點點頭，佢放輕咗手指嘅力度，但仲未放手。
「上次見到佢同你一齊，之後到你話要送幅畫畀佢，我見到你地嘅互動，然後你好似以前咁為咗個女仔花咁多心思，我就知你真係鍾意咗人。」
十八子望住面皮被揑住嘅我，終於唔忍心，鬆開咗。
「我真係唔想你再被女仔呃多次。所以我搵人打探咗一下關於依個護士嘅事。」
心跳加速，唔知跟住落嚟嘅十八子會同我講乜，但有種不詳預感。
「柳穎林，係大陸人嚟。」