是咁的，照顧過我嘅護士死咗: 二百九十二、病人同護士關係

因為我知道無論係林林成為護士嘅初衷，定係佢不時散發出嚟嘅無力感，都唔係啲可以隨便講畀一個病人聽嘅事嚟。

所以我只能夠靠近佢，令關係更進一步，我先可以知道得更多。

不知不覺間，我已經泥足深陷。

明明我地無經歷過乜野事，傾計次數又少，內容又永遠都係公事，見面通常都只係會打聲招呼，但我就係鍾意咗佢。

會因為佢嚟幫我檢查而開心。





會因為佢同我打招呼而心花怒放。

會因為佢嘅無力而覺得唔好受。

會想買野佢食。

見到佢辛苦會自動做個乖病人減輕佢嘅工作量。

會為咗佢了解護士依行嘅辛酸。





見到佢被病人家屬鬧完會安慰佢。

見到佢唔開心我想送幅畫畀佢令佢振作⋯⋯

可惜我同佢，一直都只係病人同護士關係。