是咁的，照顧過我嘅護士死咗: 二百九十、無力
實現夢想，就代表自己走上咗一真憧憬嘅舞台。之後就係點樣喺依個舞台上面繼續生存落去。
林林喺屬於佢嘅舞台翩翩起舞，台上嘅身影，令台下嘅我瞠目結舌。
佢總係好似生活喺成真嘅夢想所包圍嘅世界之中，每分每秒都發光發熱，令我好羨慕充滿能量嘅佢。
我都曾經妄想過可以踏上自己嘅舞台，喺上面揮動畫筆，贏到台下欣賞嘅目光同掌聲，同埋成為媽媽嘅驕傲。
因為我都有過想踏入嘅舞台，所以覺得林林特別耀眼，深深吸引我嘅視線。
不過偏偏，我總係覺得佢眼底之中有一種無力感，雖然滿足，但有啲事令佢覺得無力。
每次見到佢露出嗰個表情，我都好想知道林林咁矛盾嘅原因。