是咁的，照顧過我嘅護士死咗: 二百六十二、暗中
至於結婚後嘅生活，無論家務定賺錢都由媽媽負責。其實老豆都有返工，不過一賭就無哂。
媽媽以為我出咗世之後，老豆會生生性性，負返一個父親應有嘅責任。
但事與願違，我一出世就有成骨不全症，媽媽唯一嘅希望都無埋。
老豆話媽媽生咗隻怪物，於是出去賭同唔返屋企嘅日子仲多過以前。
直到有一日，老豆喺外面被人追數嘅時候出意外，就咁死咗。留低嘅街數，自然要靠媽媽去還。
本身係差幾百萬，多得阿婆死前將最後嘅遺產畀咗媽媽，還淨大靠五十萬左右。
其實阿公當年係好有錢，去到最後會只淨低幾百萬唔夠嘅遺產，係因為佢兩老其實一直暗中幫媽媽還咗好多街數。
直到收遺產嗰日，媽媽先喺律師口中知道真相，嗰日係佢人生第一次喊到虛脫。
喺阿公死咗之後好一段時間，佢先至抱住我上山去拜祭。