是咁的，照顧過我嘅護士死咗: 二百五十、第一次相擁

「林林？」

聽到叫喚，一直低頭好似貞子咁任由長髮披面嘅女人抬起頭望向我。

雙眼紅腫，面頰發紅，容貌憔悴。

林林見到我嘅出現，眼淚停咗半秒。

佢企起身，淚水又再喺眼角流落嚟。

「⋯⋯阿金！」

大概係太過悲傷，無支柱的話連企喺度都成困難，所以林林走向我，尋求依靠。

好似一個啱啱學行，走向爸爸嘅嬰兒。

我同林林第一次相擁，有淡淡嘅煙草味，同濃烈嘅酒精味。