是咁的，照顧過我嘅護士死咗: 二百三十五、寂寞惹的禍

洗完碗後，其實都九點幾。十八子本身返PAN更，即係今日兩點放完九點又再返，但佢請咗假。

「醫院入面內科係最忙，我地照顧初生嬰兒嘅工作量相對無咁多，所以都仲算有得休息嘅。」

不過近來嘅兒科都多野做咗，明明香港生育率無乜點上升過，但眼見嘅初生嬰兒愈嚟愈多。

當然，生仔嗰個通常廣東話都唔正。

至於係同中年港叔嘅愛情結晶，定第日爭公屋分身家嘅人形工具，就因情況而定。





雖然的確聽好多睇好多大陸婆落香港入屋呃錢呃福利呃感情嘅例子，但咁先顯得真愛嘅珍貴。

而港叔就好似啲以為浪子會為自己收心養性嘅女人一樣，永遠希望自己係例外，永遠希望自己得到罕見又珍貴嘅真愛。

諗深一層，雖然係自作自受，但又何嘗唔係寂寞惹的禍？

「外面仲係好大雨喎，十八子，今晚喺度瞓啦。」媽媽嘅話語打斷我嘅思路。

對此我並唔意外，以前都試過好多次。





如果十八子上嚟撞正颱風呀黃雨呀依啲，就會喺我屋企瞓一晚。

「好啊！」即係我今晚要瞓地下。