是咁的，照顧過我嘅護士死咗: 二百三十四、未講到出口

「咁解釋唔到你點解中學都無同人做。」

佢嘅男朋友實在太多，就算中學時期都一定有人向佢要求。

但既然仲係處女，即係佢由一開始已經有拒絕嘅原因，做家計會嘅經歷並唔係原點。

十八子將乾淨嘅碗碟放好，倒抽咗口氣，對我欲言又止。

隔咗無耐，佢先開聲。

「依樣⋯⋯我未講到出口住⋯⋯」

依我估計，應該同十八子屋企有關。

我拎起毛巾幫佢抹手：「咁由得佢，應該都唔係咩開心事。」

十八子默默低頭：「嗯。」