是咁的，照顧過我嘅護士死咗: 二百三十、換畫原因

「其實點解你要成日換男朋友呢？」依個問題我想問好耐。

十八子將有梘泡嘅碗過水。

外面嘅雨仍然大到令人睇唔清風景。

「因為唔啱傾，價值觀唔啱，唔了解我，唔尊重我咁啦。而且我個人又衰，忍受唔到其他人犯錯。尤期係諗法唔同，一旦發現我就會即刻斬纜。」

只要有少少唔滿意，就即刻分手，一次機會都唔會畀。





「但無人完美架喎。」

「啱呀，所以有八十分已經夠。但我就算對方情人節唔送禮物畀我我都唔會嬲，不過佢嘅價值觀同我唔一樣，我就會好快死心。」

「你啲價值觀好特別架咩？」

「我嘅價值觀有一部分同佢地有太大衝突。」

我有啲好奇係邊個部分。





「咩價值觀咁大衝突呀？」

「我唔搞野囉。」

咳咳！

差啲俗死。