是咁的，照顧過我嘅護士死咗: 二百二十九、洗碗

沙喇沙喇——

窗外嘅大雨未見收細同停止嘅跡象。

食完飯後我就同十八子一齊洗碗。

「由得佢洗咪得囉。」媽媽打算增加我依個全身多處骨折病人嘅工作量⋯⋯

「唔緊要架，我想幫手。」





「哎呀邊個娶到你做老婆真係幾生修到囉。」媽媽向我單眼，我反佢白眼。

「邊個娶咗佢頂綠帽實高過IFC呀⋯⋯」我喃喃自語。

十八子瞪大眼睥住我。

「咩話？」

「無野呀，你出去睇電視啦。」





「咁交畀你地喇。」媽媽心花怒放咁走返出廳。

十八子瞇起眼望實我。

「想死呀你？我拍緊拖嗰陣不知幾專一呀。」

佢用力捽碟，睇嚟非常不滿。