是咁的，照顧過我嘅護士死咗: 二百零七、對話

「相呀，你完全無諗過問我拎喎」

唔止淨係相，仲有一句說話。我點都估唔到林林仲記得，本身都驚催佢拎相會煩到佢，所以諗都無諗過問佢要返。
點知佢無唔記得。

頂，感動到眼濕濕。

「我驚煩到你吖嘛」

「痴線，點會煩到唔好意思呀我琴晚返到屋企就瞓到依家先醒喇」





睇嚟林林一直以嚟嘅累積疲勞真係唔講得笑。佢幾乎瞓咗廿個鐘。

「嘩你真係好攰喎！」

「但我仲好眼瞓」

「打算瞓多一百年？」

「咁會醒唔到，無王子」





「你有七個小矮人」

「之後被佢地掟落山」

「你都有睇過！」

「點會無呀，我叫白雪」

「白雪依個名真係好難聽好難聽呀」





「」

當女仔淨係覆你表情，就係時候收手唔好再講野。

我好驚再講落去佢會嫌我煩，但又唔想已讀不回林林，唯有搵個理由結束對話。

「我食飯先喇，再講啦！」

其實我唔係真係要食飯，講完依句我仲留意緊林林，佢有睇到，但無再覆。好彩！