是咁的，照顧過我嘅護士死咗: 二百零五、受德仔感染
喺媽媽嘅角度，佢認為我只可以揀商科或者理科，咁第日嘅出路先夠廣。
畫畫唔會搵到食，加上我地屋企又唔係有錢，但讀藝術淨係買顏料都用一筆。
「仔呀，你唔係唔知自己咩體質，屋企咩環境架啦？媽媽自私，我講到明，養你等你讀書入大學係等第日你出嚟做野可以搵多啲錢，幫輕我。」
最後我妥協讀咗理科，但成績只係勉強入到大學，而且仲係唔關事嘅歷史系。
到出嚟，就做咗政府嘅文件釘裝及打窿員、廢紙切碎員⋯⋯
我都唔知自己高中三年學嘅野，依家到底有乜撚野用。
但讀藝術，實在太貴，我屋企真心負擔唔起。
或者係我被德仔嘅信念所感染啦，令我有少少重新拎起畫筆嘅衝動。