是咁的，照顧過我嘅護士死咗: 一百九十一、餵食
我地兩個等咗五分鐘，新鮮出爐嘅雞蛋仔就到手。
放心，唔係chef le mon嗰款新鮮出爐淋過毛巾嘅雞蛋仔，係又熱又脆嘅街邊味道。
我揑咗一粒落嚟：「請你食。」
「多謝喎。」林林講完就擘大口，示意我放入去。
嗚啊啊啊啊啊！！！！！餵女神食雞蛋仔呀！！！！
我極力控制自己隻手唔好震，想完成將雞蛋仔送入林林口中嘅任務。
「你點解咁嘅樣架？平時你買肥姐同牛雜都係咁餵我架啦。」
睇嚟我嘅緊張仍然喺面上流露咗出嚟。
「今今今今今日唔同，平時你係太忙我先餵你，今次係係係係係完全無必要架嘛。」