是咁的，照顧過我嘅護士死咗: 一百八十七、南山邨

「因為依單野困擾咗我好耐架喇。」

「困擾？」林林側頭，柔順嘅黑色長髮喺膊頭瀉落。

平時佢做野都係紮起頭髮，估唔到佢放啲頭髮落嚟會咁有氣質。

「啊無野。」

「古古怪怪咁。」

我向林林伸一伸脷。

之後我地兩個就無乜點講野，林林有佢睇窗外嘅風景，我有我內心天人交戰開唔開新話題好。

最後我覺得依程車都講咗唔少野，決定由得我同林林把口休息下。

巴士返到石硤尾，我跟住林林落車。

原來佢住南山邨，見距離佢屋企仲有少少距離，我就陪佢繼續行。