是咁的，照顧過我嘅護士死咗: 一百七十九、都係人啫

對面馬路嘅巴士站有一個婆婆雙手環住一個男仔嘅膊頭，搖呀搖咁，兩婆孫傾緊計，但我地唔會聽到佢地講乜。

「你估嗰兩婆孫係大陸人定香港人吖嗱？」

我仔細咁望向兩人嘅裝扮同外貌，雖然平時好容易分辨到係咩人，但依個婆婆同細路比較難分，又似大陸又似香港。

平時大陸人有浸大陸味，但依兩個又無乜，唔通真係香港人？但又覺得啲輪廓唔多似⋯⋯

如果唔聽佢地用緊咩語言溝通，好難估到佢地係咩人。





「估唔到。」

「都係人啫。」

我好似明啲又唔明啲咁。

「所以當我聽到阿叔因為太太確診骨癌嗰陣喊到咁，我只能夠安慰佢。依個係我作為一個人，見到人唔開心會做嘅事。」

唔會單純因為佢係大陸人，見到佢喊都視而不見。





而現今，太多人單純因為不幸發生喺大陸人身上，就認為佢地死都唔值得可憐。