是咁的，照顧過我嘅護士死咗: 一百七十七、你唔驚咩？

「佢阻到你無得食飯，你先會餓到暈。但你好似完全無當係一回事咁喎。」

林林望住窗外不停被抛後嘅街景。

「我覺得唔係咩大件事嚟。」

林林話佢本身打算去博物館前嘅空地食飯，點知見到大陸阿叔一個人坐喺石凳度喊。

「咁我就走咗埋去，問佢咩事。」





「你唔驚咩？」

「驚？有乜好驚？」

「話哂佢之前又食煙又同你嘈，仲想打你喎。」

「一個喊緊嘅人，係最無殺傷力架嘛。」

林林大無畏咁走上去，問阿叔咩事。





原來佢嘅太太已經確診有末期骨癌。

如果被阿連聽到，實會有請小鳳姐，事關阿叔太太都係大陸蝗蟲。兩公婆都唔係香港人，但就佔用緊香港嘅醫療資源。