是咁的，照顧過我嘅護士死咗: 一百七十一、震驚

我偷偷望完林林傲人嘅雙峰，再睇下十八子嗰對未充滿氣嘅汽球。

今日終於知咩叫一山還有一山高。

十八子察覺到，即刻兩隻手封住自己雙胸。

「望咩呀咸濕佬。」

「你做咩起哂鋼咁呀？」今日佢嘅態度同平時相比都算幾反常。





「你𥄫人地對奶吖嘛！」

「林林嗰對先係奶囉好無。」

講完，我即刻知自己失言，揞住個嘴，而林林聽完都成塊面紅哂，護住自己胸口。

「啊⋯⋯我串佢嗰陣成日講野唔經大腦架！你唔好介意呀！」馬上道歉。

林林怕醜咁點頭。





「你⋯⋯你兩個⋯⋯係真係可以正常交流到！？」十八子好似見到外星人同地球文明第一次接觸咁。

「你發咩癲呀到底？」

「我發咩癲？我驚你被人呃咋！你講吖，佢係咪金融雞？定美容雞？定點數黨？定想扑暈你割咗你啲器官返大陸賣？」