是咁的，照顧過我嘅護士死咗: 一百六十八、軟化

「吓？」

「你琴日話放工話畀我聽點解同大陸阿叔摟埋一齊，你都未講。」

見林林好似無咗件事咁，我講完佢先記返起，睇嚟佢根本無將個阿叔摟佢嘅事放喺心上。

但依件事好似針咁吉緊我全身嘅毛孔。

「仲有人情。我等咗你一晚嘅人情，買粥你食嘅人情都仲爭緊。依家賣大包，等我送你返去，我地啲舊帳一筆勾銷，唔唔唔唔唔係我會淋你紅油架。」





林林聽到笑咗，但面上嘅表情好明顯係諗唔通我個邏輯。

「畀你送就當還咗？」

「係，乜都還哂，以後都無瓜葛都得！」

聽到依句，林林有啲動搖。

「我唔要⋯⋯無瓜葛。」佢靜靜咁講。





我被佢依個樣，深深咁迷住。

「點解⋯⋯咁執著要送我返去？」

我深呼吸一口氣，將自己嘅諗法講出嚟，希望傳遞得到去林林幾乎關上嘅心扉之中。

「因為我擔心你。」

林林嘅表情慢慢軟化。