是咁的，照顧過我嘅護士死咗: 一百六十七、你爭我野

我跟住林林行。

「咁結果你有無請假？」

「嗯，請咗三日假，德仔講得啱，我真係需要休息。」

「咁呃⋯⋯你會唔會講我聽，你做護士嘅原因呀？」

林林上下望一望我，禮貌咁笑下：「我地再熟啲先話你知啦。啊，我返屋企架喇。」





佢仲係對我好好禮貌，大鑊喇，真係同之前唔同咗。

佢就咁走咗，之後可能連我買野食畀佢都會好有禮貌咁拒絕我。

「你身體仲未完全好返，不不不不如我送你返去丫？」

林林搖搖頭：「唔使喇，我慣咗自己照顧自己，唔使擔心我。」

我個心愈嚟愈急，大腦一片空白。





「無咩的話，我走先喇，拜拜。」

「你爭我野。」

未經思考，率先爆咗一句出口。