是咁的，照顧過我嘅護士死咗: 一百六十、登記護士與註冊護士
「我同林林唔同，因為我係搏升，要做阿爺，但林林佢連升職都無諗過，因為佢無得升。」
如果係為錢，人望高處，一定係睇住升職嘅目標努力。
所謂升職，等同光輝嘅未來。而一個人完全唔理未來，當下嘅努力就如同白費心機。
等如明知聽日會死都活好今日。
等如明知病人救唔返仍然去搶救。
「護士一共有五種，首先讀嗰陣會分咗普通科同精神科，之後就到登記護士同註冊護士嘅分別，而最上級就係sister同阿爺。」
登記護士同註冊護士係以學歷區分，用返依家公開試嘅成績嚟分，前者成績最低要求五條二，後者就三三二二二。