是咁的，照顧過我嘅護士死咗: 一百三十九、土崩瓦解
佢慶幸自己嘅身體唔容許佢投降。
就好似幾想死嘅人，都無辦法自己忍氣忍到死。因為身體唔容許，所以最後都會唞返氣。
問題係面對每隔一排又再嚟過嘅精神同感官衝擊，十八子覺得自己内在嘅靈魂，好似喺一次又一次嘅墮胎手術之中被壓迫到土崩瓦解。
「你知唔知超過三四個月嘅bb落完，其實刮咗落嚟，我地要幫手砌翻條全屍先包架？」
眼前嘅十八子深呼吸。
「好難頂，你想像下將一個溶溶爛爛嘅bb再砌翻埋。我每隔一排就會見到，即係好似你依家食緊依啲咁。」
我望向正要放入口嘅爛番茄。
⋯⋯⋯⋯⋯⋯
放低。
難怪十八子會突然無哂食慾，我淨係幻想到個畫面都食唔落野，何況親眼見過好多次嘅佢？