是咁的，照顧過我嘅護士死咗: 一百三十三、數三聲

到叫阿may去做手術個陣，十八子推住佢張輪椅，經過兩道門，泊埋咗喺一邊等入手術室。

「姑娘，你信唔信，依個世界有神？」

「⋯⋯我⋯⋯覺得無。」

手術室門一開，好似拍科幻片咁，有張手術床係中間。十八子帶阿may上床，好快，醫生護士同器材就圍住瞓係床上面嘅阿may。

「擘大啲對腳然後放鬆，會有啲凍架下。」





十八子望住阿may緊咬牙關，但全身震哂，淚水仍然一滴滴湧出嚟嘅樣。

「唔使驚，我地依家打針喇。合埋眼，數三聲。」

三。

二。

一。





阿may好似斷電咁失去知覺。