是咁的，照顧過我嘅護士死咗: 一百一十二、死亡

每星期有五到六個bb會去到十八子嘅醫院，十八子都會不嫌其煩咁幫佢地改名。

然後啱啱送入嚟嘅bb有好多都會出現抽筋、再入院、併發症死亡嘅情況。

就算唔係新嚟嘅bb，舊有嘅亦有時會出現意想唔到嘅病症而救唔返。

「你永遠唔知第二日返工，嗰個b仲喺唔喺度。」

事關送去佢地度嘅bb有幾種，數量最多係智障兒，之後係身體有啲殘缺或者病痛。





通常健健康康嘅bb都好快被人領養，留返低嘅都係有殘疾居多，所以成日見bb死。

所以留返低嘅bb入面，生存率最高嘅係智障兒童。

嗰一日，十八子如常返工。

平時聽到嘅雪雪聲無咗，其他姑娘同十八子講，拉麵琴晚死咗。

發呆嘅十八子望住空咗嘅bb床，有好心嘅姑娘見到，都唔知從何安慰，因為依個就係現實，佢地只可以拍拍十八子膊頭。





「你依家明，點解我地唔幫啲bb改名未？」


（不定期更新，請點追故=）