是咁的，照顧過我嘅護士死咗: 一百一十、孤兒院
為咗解釋比我知佢點解對大陸人咁有偏見，十八子第一次話比我知，關於佢以前做野嘅心路歷程。
雖然我仍然未知佢點解要做護士，但至少了解咗佢多啲。
我諗，如果唔係我天生脆骨要控制情緒，無得即刻拍枱郁手的話，我會聽少好多野。
只要是但一方扯火，咁之後就唔使旨意溝通，亦無可能互相了解。
而如果我係正常人，聽到十八子咁話林林，我一早就拍咗枱鬧佢。
「你應該都知我最初出嚟做野嗰陣，係做孤兒院。」
十八子希望做同小朋友有關嘅護理工作，但返工開始無幾耐就已經抑鬱，直到最後一日。