是咁的，照顧過我嘅護士死咗: 一百零六、抄牌
到個侍應又送餐嚟我地枱，今次係比餐我，但已經中咗才八子嘅預言。
「嗱，我都話你會忍唔住嚟搵我架啦。點呀，諗好點補償未呢？」
「補⋯⋯償？」
「係呀，比你睇蝕哂梗係要補償啦。」
其實十八子把聲擺明係撩緊佢，但個侍應好似好蠢，淨係理解到字面意思，完全無視人地嘅語氣同表情。
侍應呆咗，可能真係諗緊要補咩償。人地要你肉償呀死蠢。
「仲唔明呀？乜你咁蠢架。」
個侍應仲係一頭霧水，我終於忍唔住出聲：「佢想抄你牌呀。」
侍應聽完，慢咗半拍，之後手忙腳亂咁拎咗張紙仔喺上面狂寫數字。