是咁的，照顧過我嘅護士死咗: 一百零五、不良少女影子

「唔好意思大哂的話，唔使要差人啦。」

「對⋯⋯對唔住呀⋯⋯」

「好驚咩你？我好得人驚咩？」

「唔⋯⋯唔係呀⋯⋯」

「但你隻震哂喇喎。」

個侍應慌忙咁點頭：「唔好意思，唔好意思⋯⋯」佢準備走，十八子再加多句：「你一陣又會忍唔住嚟搵我架喇。」

每次十八子喺街撩人，我都彷佛見到佢以前做不良少女嗰陣嘅影子。

「喂呀，做乜飲咗人地杯野？」

「我見你咁多口水以為你唔口渴丫嘛。」

十八子搶返杯珍珠奶茶，喺我面前大大力吮咗一啖：「哼！」