是咁的，照顧過我嘅護士死咗: 九十八、搵十八子

林林走咗，我個腦就一片空白，幾乎唔記得自己要攞藥。

見到林林比個大叔摟，就好似當年睇《神鵰俠侶》見住尹志平污辱小龍女咁，個心那住那住。

我呆呆滯滯咁飄返去骨科嗰邊，求其搵咗個位，頹到矢吹丈咁打算坐到天荒地老留連在摩天輪。

個腦好似打咗結咁，一大堆思緒炒埋一碟。

唔通個大叔係土豪？所以林林比佢包咗？





唔通佢係外星人洗咗林林腦？

唔通佢影咗林林裸照威脅佢比佢摟？

點解啲時間過得咁慢，林林幾時先放工呢？佢依家仲喺度，應該係返兩點到九點嗰更，咁我真係有排等喎。

諗諗下終於到我去拎藥，不過嗰陣都只係五點幾嘅事，我仲要等多四個鐘頭。

如果再咁呆等，我啲諗多咗嘅幻想力一定會失控，唔可以比自己一個喺度吽⋯⋯至低限度搵啲野做，或者搵個人陪⋯⋯但醫院有邊個可以陪我？





⋯⋯

啊⋯⋯可以搵十八子。