是咁的，照顧過我嘅護士死咗: 八十九、弱智政策
如果俾林林將件事爆哂出去，愈嚟愈多人和應，愈揭愈多，到時醫管局就真係大鑊。
於是林林就擁有唔寫薯仔文嘅特權。
當然，依個唔係官方明文寫明嘅特權，因為本來只係林林嫌麻煩同哂時間先唔寫。
「哂五分鐘填份表，我不如用嗰五分鐘嚟檢查病人好過啦。」
結果就因為林林嘅背景，所以sister對佢嘅護理記錄有無全部做齊通常都係隻眼開隻眼閉。
慢慢就構成咗林林唔搞醫院同時，醫院亦唔惹林林嘅情況。
不過林林係會做好所有基本同必要文書工作嘅人，所以sister都唔敢郁佢。
「聽落你對醫院都唔係好滿意喎。」
「點會滿意呀大佬，啲政策咁弱智。」