是咁的，照顧過我嘅護士死咗: 八十一、鬼門
愛民邨有五棟樓係屬於井型設計，我同阿連住喺其中一棟，聽講由阿連老豆一代開始已經久唔久有人自殺。
老一輩嘅人話愛民邨以前係亂葬崗嚟，加埋個井嘅設計玄學上好似鬼門，環境嘅結構容易導致人做傻事。
我同阿連已經見怪不怪，就算唔係依度本身嘅邪氣影響，依幾年每個月都幾單自殺案，我地都麻木哂。
「又一件。」
「個量詞好似係個。」
「是但啦，咪一樣。依排多咗學生哥跳樓，啲千禧bb抗壓能力真係低。」
每一代嘅人都討厭老屎忽，但每一代嘅人都無可避免咁死為自己曾經最討厭嘅老屎忽。