是咁的，照顧過我嘅護士死咗: 八十、愛民邨
落的士之後，我就同阿連一齊返屋企，利申非同居非基。
阿連同我一樣住喺愛民邨，同一層，不過住喺隔離個井。
我地兩個由細識到大，不過就唔同學校，純粹係一齊長大嘅好朋友。
雖然我地之間嘅價值觀有時唔一樣，同埋撇除佢嘅爛仔性格的話，本質上阿連係個唔差嘅人。
對香港政治環境一頭霧水，身邊發生咩事只要唔關自己事就唔會理。
大量吸收咗好多網絡上嘅歪曲價值觀並且奉為真理，為人大男人但又容易受傷，拍拖永遠都係被人飛嗰個。
我地走到入自己嗰棟樓，見到附近有醫護人員同警察，睇嚟又係有人跳樓。