是咁的，照顧過我嘅護士死咗: 六十九、唔准啊

十八子用自己條校裙嚟抹手，明顯係不良少女嘅麻甩因子仲有少少殘留喺佢體內。

「因為無開花所以唔開心？」

佢扁起嘴，雙手撐住木凳，雙腳揈揈下咁。

「照顧咗佢地咁耐，仲諗住佢地會開花送我last day㖭。」

十八子望一望自己周圍嘅半空：「蜜蜂呀蝴蝶呀，個個都唔嚟送我。」





「小學生咩你？」

「好薄情呀個個都！」

「我咪嚟咗送你囉。」

「我唔要毒撚呀，我要花花蜜蜂同蝴蝶！」

「咁我走喇。」





十八子拉住我衫袖。

「唔准啊！」

真係嘴上說不要，身體卻誠實。