是咁的，照顧過我嘅護士死咗: 四十四、勾手指尾

「我未還啲野食債比你之前你有咩事，我點還呀？」

「呃⋯⋯唔使還⋯⋯」

林林伸出佢嘅手指：「應承我丫，我未還哂啲債比你之前，你唔可以有咩事。」

林林望一望自己手指，示意我。

「你係咪想破我隻手處？」





佢聽到反白眼：「勾手指尾啊！」

「真嘅？」

「快啲！」

「你唔驚我隻手有污糟野咩？」

「咩污糟野？」





「呃⋯⋯米青？」

「你左拗架咩？」

「我可以用左手架。」

「你再講我收返架喇。」

「唔好唔好呀。咁我問多個問題得唔得？」





林林點點頭。

「琴日你聽到我話未拍過拖，點解話我講大話？因為⋯⋯我靚仔？所以應該拍過⋯⋯」

我都未講完，林林已經大笑咗出嚟。