是咁的，照顧過我嘅護士死咗: 三十九、香港已死

「我已更行出啲抽架啦，你地有空調架嘛，還有我離病房更遠邊會有忍響呀？」

扶住我嘅阿連轉向：「走喇走喇，有人吵大鑊。」

我捉住阿連：「唔走得。」

阿連見到我嘅眼神，即刻明白咗：「嗰個就係你個林林呀？」

「點解得林林同佢撐到咁恆？醫院唔比食煙明明個個都知，點解全部都淨係圍觀呀？」





「沉默的大多數係咁架啦，多一事不如少一事呀。同埋你唔見個阿叔幾高幾大份咩，又紋哂身咁。無睇《大帥哥》呀？誰大誰惡誰正確呀。」

「無睇tbb好多年。但正唔正確同大惡有咩關係？」

阿連想拉我走：「乜你咁蠢架？我仲蠢過你我點解釋你聽喎，走啦！」

「乜香港依家係咁架？」

「香港好耐之前已經係咁架喇！」





係咪我記憶中嗰個仲有人抱不平，仲有人願意出聲嘅香港，一早已經死咗？