是咁的，照顧過我嘅護士死咗: 三十八、雞蛋與高牆
「先生唔該你即刻整熄枝煙！」
係林林把聲。
唔怪得有臭味，原來有人食煙。
「咩呀？你多士喎，厚多士喎，唔抽得煙架咩？冰個華呀？你華呀？咁多士嘅你，你又唔係警柒又唔係梁仲鷹，你華咩人呀？更惡做咩呀？」
我同阿連循聲音行出去，見到有個聽口音就知係大陸人嘅阿叔夾住支著咗嘅煙，旁邊都係睇熱鬧嘅病人同家屬。
「醫院唔準食煙依啲規矩係人都知架啦。你咁會影響到其他病人，唔該你即刻整熄佢，你再繼續我會叫警衛。」
林林身後有兩個驚青護士，嚇到震哂。
林林面對高佢一個頭嘅阿叔，全無懼意，好似面對高牆嘅雞蛋咁。