是咁的，照顧過我嘅護士死咗: 二十五、我要做護士

十八子靚女，但爛玩，所以細個我都無諗過佢會做到護士。事關佢直到中四嗰年啲測驗都係零分。

但無可否認佢係聰明嘅，想追一定追得返，差在有無心架啫。

有段時間佢請咗成個星期假，我估係病卦。

之後有日返學無啦啦拍我枱，雙眼發哂光咁對住我。

「薯片！我要做護士！」

見佢個勢咁猛，我都輸人唔輸陣，大大聲對返佢講：「我！要！做！車！手！」