紙言

是咁的，照顧過我嘅護士死咗: 二十一、成骨不全症





我由細到大都有成骨不全症，俗稱脆骨症，總之你當我直情係《不死劫》入面個玻璃先生就啱。

病理學嘅野唔講啦，我係屬於第三型嘅脆骨症，身材比一般人矮啲，而且對眼係藍色。

加上生長得比一般人慢，所以即使廿幾歲睇落都只係十八歲青年咁。

我出世嗰時係開刀，聽講媽媽喺條腰度打咗十四枝麻醉針，之後先順利生到我出嚟。

佢依家五十幾歲成日話腰痛，懷疑就係因為嗰十四枝針。