是咁的，照顧過我嘅護士死咗: 八、皮幾與幾皮
德仔話有啲人會鴨片，貪可以瀨兩三次腌到頂唔順先換，咁就可以去少啲廁所，多啲時間照顧病人。
當然林林亦係當中更為極端嘅存在。
後來我喺德仔口中聽講，林林做咗護士之後，可能因為內分泌失調，搞到本來一個月一次嘅月經，變咗幾個月先嚟一次嘅四季經。
我開始好奇點解林林要為咗份工而去到咁盡。
「人工包架嘛，唔係邊有幾皮野一個月呀？」出院後無耐，我同朋友阿連一齊飲酒。
「做得咁好pay嘅工就預咗辛苦，條路自己揀，仆街唔好喊。」
林林無喺我面前喊過，唔知佢自己一個嗰陣又有無喊呢？
「份份工都辛苦架啦，我地夠日日做狗啦，都無幾皮一個月呀。」
「但我地有一個鐘食飯，唔使鴨片喎。」
「所以咪得皮幾，唔係幾皮囉。」