是咁的，照顧過我嘅護士死咗: 七、一更八個鐘

「有無咁誇張呀？」

「都有啲人會鴨片嘅，無時間屙尿丫嘛。不過林林極端啲，佢計哂話一更九至十個鐘如果屙四至五次加埋來回時間就無左十至十五分鐘，可以睇到一至兩個病人喎。」

「一更唔係八個鐘咩？」

「你返工老闆夠同個講八個鐘啦，唔使執手尾呀？」

德仔拍拍我膊頭，就話要做野走咗去。





我同醫護人員唔同，有的是時間，於是就等林林出嚟。

「咁搏呀？」

「你企喺度做乜呀？」

「德仔講咗我聽喇。」

林林又成塊面紅到番茄咁，揞住下陰，好似咁做我就唔知佢換咗片咁。





「我去做野先。」林林耷低頭，急急腳行過咗我。