是咁的，照顧過我嘅護士死咗: 四、最唔健康嘅野

本身我係買魚蛋牛雜依啲熱食比較多，但林林好多時都淨係拮左兩舊塞入口又要繼續做野。

次次話一陣再食都成日唔見咗人，到佢收工交完更再上嚟搵我，啲魚蛋牛雜已經凍哂，但佢堅持要食埋佢。

「醫院有微波爐架嘛。」

「成日食叮野唔健康架。」

「最唔健康嘅野我都做緊啦，驚咩喎。」

「下？你做緊咩咁唔健康？」

「護士囉。」

後來我轉咗買肥姐，反正本身就凍，佢幾時食都得。不過同平時一樣，佢都係食少少又要做野。