是咁的，照顧過我嘅護士死咗: 三、油畫

林林會反我白眼：「大佬呀，我好忙架。」

但身體卻很誠實，聞到啲香味佢就會打哂鼓，然後紅都面哂咁揞住個肚仔，好似唔想比我聽到佢肚餓嘅聲。

「食嚿先繼續啦。」

我會餵佢，隊舊野去佢嘴邊。

雖然林林成日西口西面，但送到埋口都會食，一食野個樣就好似飲到母乳嘅bb咁好幸福，我見到都會心甜。

「我做野先喇。一陣再食。」

「等你呀。」

林林轉身，額前嘅髮絲晃動，嘴角微微上勾：「多謝。」

依個轉身，靚到好似歐洲油畫咁。