凶港: (9)

依家應該係凌晨兩三點。

唔經唔覺，車駛到獅子山近浸大嘅上山路。 「死啦，無油...」Mrs Wong十分躊躇。 「去加油站啦miss，喺附近咋...」阿龍建議。

車駛過去加油站，加油站了無人煙。 「既然依度無喪屍，不如我地喺便利店入面瞓一陣再行，順便睇下仲有無物資攞...」我建議。 「好，我地男仔輪流睇水啦。」Tony仔建議。

阿鋒依舊沉默不語。

我地一行人落車，進入便利店，一個人都無。





我地再小心檢查，確保一個人都無，睇嚟職員已經走晒。

而貨品，早已經俾人洗劫一空，睇嚟都有唔少人北上搵救兵... 安頓好之後，我地男仔要睇水，而女仔同Mrs Wong就係車上休息。 「阿龍，你究竟點走得甩？」我倚係車問。

阿龍臉色一沉，默不作聲。

我再追問：「你...你答我...」 阿龍示意離開少少先講。

阿鋒同Tony仔留喺站內駐守，我地靜雞雞走出出面公路傾計。 「究竟係點？你明明俾一班喪屍包圍...」我問。 「我...我殺咗人..」阿龍冷靜地回答。 「下？」我唔敢相信自己耳仔。 「其實，4樓個度，仲有其他生還者，佢地留喺班房度，我喺窗外見到佢地，我身陷困境，我一時...我一時諗錯，就打開咗佢地度門，引晒d喪屍入去，而我就逃走咗去303搵阿華，點知佢地又唔知走咗去邊，所以我咪匿埋咗...」佢回憶.。 「班生還者，係咪我地同學？」我心寒。 「係...」佢默默回答。





原來，阿龍都變成咗咁。

面對末日，究竟我地嘅心入面，有幾黑暗？ 「唔好再講...佢地個樣...佢地俾喪屍撕開嘅樣，我一世都唔會忘記...」阿龍極為後悔，可惜太遲。 ......我....... 「你地兩個痴線佬！」阿鋒極為憤怒，怒氣沖沖咁行埋嚟 「...」我沉默。 [你聽我解釋...」阿龍嘗試解釋。 「你地癲架，個d係人命嚟架，你地究竟發生乜事呀！？」阿鋒難以接受唔到我地嘅舉動。 「你...你覺得我地...有得揀咩？」我默默咁講咗一句。

阿鋒繼而追擊：「我唔理你有無得揀！阿駿，你係我老友，你點解...」 「算吧啦阿鋒！」我大喝。 「...你...」阿鋒難以置信。
「你仲係接受唔到！」我大喊。「噫！你咁同我講野！」阿鋒大怒。 「你個白痴，宜家依個時刻應該自救呀，仲理得人幾多姐？」我估唔到竟然會講呢d野。 「你...你係咪傻撚咗呀！？」阿鋒用失望既眼神望住我。

阿鋒一拳打咗落我塊面。

而我亦作勢攻擊，揮拳擊打阿鋒嘅膊頭。 「你地兩個...唔好打！」阿龍制止。 「你收皮啦，你都係咁咋！仲以為你同我拍擋做班長咁耐我會了解你，點知你都係癲佬！」阿鋒怒吼。





阿龍沉默。

我默默停手，我知唔應該再打落去，再打落去，我地就會散... 阿鋒摸摸膊頭，對住我地講：「你地兩個好自為之!」佢頭也不回番到加油站入面。

公路上只剩低我同阿龍，我地面面相覷。

一晚過去，災變到宜家只係過咗一日，點先捱到落去？ --------------- 我番到油站，示意Tony仔同阿鋒交更，過一陣，我慢慢入睡。。。。。 「起身啦！」
「得啦，瞓多陣都唔得...」
「7點半啦！夠鐘出門啦！」
「得啦！」 我發夢發到阿媽，朝早叫醒我嘅對話。

阿媽，你究竟有無事...
定係，你已經死咗......
唔好呀，你要番嚟煩住我呀，你唔可以死架... 拍拍...有人拍拍我膊頭。




我睡眼惺忪，勉強先打開到眼睛。

原來係女神BB，佢睇落似啱啱醒。 「呵...呀...你瞓醒啦？」我問。喉嚨有d乾。 「係...係呀...點解你喺度喊嘅...？」女神BB關心地問。


我摸摸眼角，原來我流緊眼淚。

我好似個細路咁摟住女神BB。 「呀......我嘅屋企人呀...佢地...嗚...都唔知...嗚...係生定係死...」我淚水如缺堤。 「放心...佢地...會無事架...」女神BB摸住我個頭，柔弱咁安慰我。 「我...嗚...我希望...你明白我做嘅野...嗚...絕對唔係我想架...我唔想殺人架...嗚嗚」我哽咽。

女神BB一言不發，靜咗... 睇嚟佢仲係未原諒到我。

我一邊喊，喊下喊下瞓著咗。。。。 女神BB係我宜家嘅唯一寄託...
所以，可唔可以原諒我...? --------------- 太陽初升，好似一切都無發生過咁。

我一直瞓喺女神BB嘅大脾，而佢就一直望住我。





我睜開雙眼，笑住同佢講：「早晨。」 佢都報以微笑，講：「早晨...唔好唔開心啦...」 求下你，原諒我... 「對唔住，我琴晚做錯咗，原諒我...」我同阿鋒道歉。

阿鋒呆咗一陣，回答我：「算啦，都過咗去，我地好兄弟嚟架嘛...」 「好兄弟...」我好感動。 「不過你要應承我，唔好...唔好再殺人！」佢凝重。 「好...我應承你...」我承諾。

眾人都準備出發，Mrs Wong檢查加油器。 「唉，得好少油...點算呢？」佢喃喃自語。

女神BB同華姐就繼續坐喺加油站入面，等待出發。

我，阿龍同Tony仔就係加油站外面整理我地嘅物資，阿鋒就看守住加油站四周，

突然喪屍出現係我地視線!

佢地從公路斜路一側擁上！ 「郁呀郁呀！」阿鋒大喊。





「走啦！」Tony仔急道。 「哇！」華姐驚恐。 「女神BB上車！」我大喊。 「同學仔上車呀！」Mrs.Wong扭動呔盆，準備開車。

我手揸住一袋食物衝上車，迅速閂咗車門。

車迅速開動，而喪屍亦慢慢喺我地嘅視線範圍中消失... 我地進入獅子山隧道，向北移動。

隧道中有零星汽車，但汽車入面都空無一人，睇嚟應該無一倖免。

我地部車一直繼續係黑暗中行駛。 「Mrs Wong，宜家嘅油量可以去到邊？」Tony仔問。 「最多去到大埔...」Mrs.Wong默然。 「下？大埔？」眾人都異口同聲。 「咁我地到咗大埔再諗辦法啦！」華姐建議。 「弊...」Tony仔如雷轟頂。 「弊乜呀？」我問。 「去大埔嘅途中，要經過科學園...」佢流左一滴冷汗。

一道光線，車已經到咗沙田，向大埔繼續前進緊...