恐怖蔓延令你一讀一驚心《攝魂偽術家》18+ 墮落始源: 第91章 - 絕境

今天，因定邦需要執行特別任務關係，我獨自前往醫院探望倩兒。醫生跟我說倩兒的情況不容樂觀，傳統的移植骨髓已起不了治療的作用，更差的是倩兒體內的癌細胞產生基因突變，導致血癌標靶藥物出現抗藥性而失效，目前基本上是處於放棄治療，接受善終的階段。

走到倩兒的床邊，看到她有氣無力的樣子，我實在無法強忍淚水，但為免過度刺激她，只好扮堅強並故作鎮定，希望她心情能稍為緩和。
「家姐，係妳.......妳唔好喊......」 倩兒說話時除下口罩，因口罩已被她的淚水弄濕。「我知道美國依家仲有個基因療法.........阿賓幫我聯絡緊美國個邊醫院，我真係唔想放棄治療.......」
「家姐會盡力幫妳，妳要撐落去，錢方面我會想辦法。」
「多謝家姐......我會......努力。」 倩兒吃力地吐出幾隻字。

離開醫院後，我一個人在街上留連，回想起我與倩兒的童年快樂生活，感到無限唏噓。
「真的無法改變命運嗎？如果倩兒係被無辜施咒的話，咁點解唔可以解除？」 此刻滿腔熱淚的我問陸無窮。
「要解除施咒，唯有等女皇法力消失先可以。我估計女皇同賈似道都係被閻羅王派遣來陽間替佢辦事，所以閻羅王先會敕令唔准我干涉五鬼嚮人間的活動。」 陸無窮在我內心回答。




「乜閻羅王唔係以法官身份執行地府法律，出名公正嗎？」
「依個只係世人對統治者美化而產生的誤解。」
「點解咁講？」
「地府有分階級，嚮個度，罪孽深重的人係永遠冇得接受輪迴，所以地府又叫做地獄，因為地獄係指一個集合晒所有邪惡鬼魂的地方，佢地接受監督，並以閻羅王為首統領一眾惡鬼。間中有部份遊魂野鬼因生前業障重關係，死後心懷怨念留嚮人世，一向都係靠我地班判官將佢地繩之於法，遣返陰間，但係依然仲有一班鬼力高強的惡靈專門由陰間穿梭往返人世作祟，為禍人間。佢地來去自如，視地府法律如無物。我懷疑佢地係得到閻羅王默許，幫佢辦事。因閻羅王身份特殊，佢唔可以隨便進入人間，所以佢利用唔同身份，以利益誘使惡靈為佢服務，滿足自己需要。我曾經為咗執行法律，就已經多次同閻羅王頂撞。」
「咁我可以點做？」
「要同閻羅王講數，首先妳要走入地府，但個度絕對係一個妳永遠唔會想去的詭異地方。」

與陸無窮內心交談期間，突然手提電話響起，對方原來是阿賓。
「阿賓？我啱先探完倩兒，點解唔見你嘅？」
「妳嚮邊度？我想妳帶我去搵何SIR，佢今晚會有生命危險。」阿賓在電話內說。




「定邦今晚需要執行特別任務，點解你會唔知？」
「我身份其實係負責警方內部調查的探員，詳細遲下再解釋妳知。我今日跟蹤何SIR去到中環碼頭時，被佢撇甩，我相信佢今日帶咗魚竿只係偽裝去釣魚，目的係去執行特別任務，但根據我情報顯示今日有人會加害於佢。」
「我估我知佢去咗邊度，我同你一齊去！」我不假思索地說。