恐怖蔓延令你一讀一驚心《攝魂偽術家》18+ 墮落始源: 第75章 - 開啟惡意的盒子

我在夢中醒來，渾身是汗，感覺如同身歷其境。位於睡房內靠近窗檯的一邊，窗簾把室外猛烈的陽光滲透進來，原來現在已經是中午時分。雖然睡了很久，但頭卻依然很痛，迷糊中我反覆回憶起剛才的夢境，那是一場惡夢，在夢中我隱約聽到有兩個人在談話，他們好像在商量怎樣殺我和定邦，還有施嘉莉的肉身也是被他們佔據並且設計利用的，想到這裡我忽然哭了起來。
「妳醒咗啦？」定邦聽到哭聲後進入了睡房。
我把夢境告訴了定邦。
「施嘉莉係瘁死的，死因係突發性心臟病，同妳無關。妳呢幾日忙於處理佢喪事，加上琴晚妳發高燒，先會嚮度胡思亂想。不如妳食藥先，我煲起咗皮蛋瘦肉粥俾妳送藥。」定邦以溫柔的語調說，同時按著我的額頭嘗試測試我體溫。

我看得出定邦沒有在意我的右眼瞳孔再一次變成淺綠色，這樣也好，我再也不必花精神去為陸無窮的回歸作出難以置信的解釋。服過藥後，我稍事化妝便由睡房步出客廳，在廳中我見到倩兒。她向我和定邦宣佈自己已找到新工作，並約了朋友準備慶祝一下。話畢後門鈴驀地響起，倩兒即時應門，門外一名男子現身並進入屋內。
「咁遲架？」倩兒以傲嬌的口吻向對方說。
「SORRY，塞車.......」男子說了一半，忽然改變語氣：「何SIR，唔好意思，我唔知你嚮度。」
「阿賓？乜你地幾時.......」定邦說。
「唔記得同你地講，依一、兩個月全靠阿賓陪我去醫院覆診同搵工，佢間中都會同我睇戲食飯.........行街.........咁........」倩兒說。




「咁早去早回啦！」我向著一對小情人說。
「咁我地走先啦，拜拜家姐！」倩兒說。
「放心，阿賓係醒目仔，個人亦有上進心，自從我升職調咗去灣仔總部後佢一直都跟住我，我知佢幫到手的。」定邦於二人離開後說。
「唔知點解，自從施嘉莉走咗之後，我一直都好擔心身邊的人，無論係你，抑或係倩兒，我都會驚你地有日會出事。」
「我相信妳有依種感覺係由於受到負面情緒影響的結果，不如我地一齊去旅行散下心好嘛？」 
「我冇事。我只係有點擔心你。」 

定邦陪我吃過了粥後，由於他收到有聯絡人的見面請求，遂叮囑我多點休息後便離開。離開後不久，我開始在內心呼喚陸無窮，希望他能為我指點一下迷津。
「妳啱啱發夢見到的人應該就係傲慢女皇，佢上次曾經上過妳身綁架妳，亦因為咁妳同佢意識相連，所以妳間中仍然可以嚮夢中感應到佢。由於佢係一個上古邪靈，並且係五鬼之首，故此法力最強大，所以一定要小心為上。」陸無窮回應道。
「陸兄你要幫我，我無非都係想保護我身邊的家人同朋友。」 




「又係何定邦？妳要諗清楚後果。」
「我諗清楚，既然我可以為倩兒連條命都唔要，為咗定邦我一樣可以犧牲多一次。」
「我只能話妳咁做係執迷不悟。」